Dimissus has imagines, vere dignas adspiciendi, divulgo.

Til að byrja með óska ég Hildi Ásgeirs bekkjarsystur minni til hamingju, enda er hún komin í þann glæsta hóp ofurmenna sem prýtt hafa forsíður bæði Frétta -og Morgunblaðsins. Ávísun á heimsfrægð, það. En hérmeð hefst myndablogg sem ég vona að muni gleðja einhvern með þeim fimmaurabröndurum sem í því finnast.

Ragnhildur (18) haldin heimsharmi. Myndin er uppstillt.

Abdulla (21) og Bin Laden (7) fíla rapptónlist, sérstaklega kvennabúrin sem rappararnir eiga. Þau eru 'bitstits.'

Þorsteinn (14), nýfermdur, þráir að skera sig á meðan hann skrifar órímuð heimsharmsljóð og hlustar á nýja diskinn með My Bloody Valentine.

Klara (20) telur að Ragnhildur (18) sé raunar einhverskonar höggmynd lífshamingjunnar og ákveður að rannsaka málið

Bin Laden (7) hefur illt eitt í huga gagnvart saklausa kvenmanninum og sérstaklega Apanum (12) hennar við hlið

Ragnhildur (18) hefir, sér til mikillar lukku, uppgötvað aðra höggmynd lífshamingjunnar, Önnu Maríu (21).

Ragnhildur (18), horfir einbeitt fram á við, enda finnur hún Valla (39) hvergi.

Apinn (12), allskostar grunlaus um hverskonar hörmungar læðast að baki hans, gæðir sér á banana.

Múmían Patricia (2999) hefir snúist til Íslam, þökk sé Ahmed (42), og er alsæl.

Hildur Ásgeirs (20), nýlega heimsfræg, ræðir við Gyðu (20), fréttafulltrúa sinn, af athygli.

Andinn (5001) hefur á þessum nýjustu og verstu tímum snúið sér fullvega til hins hlýja faðms eiturlyfjanna.

Þetta dýr mitt er sætara en góðu hófi gegnir

Félagsfræði er mér eigi eðlislæg

Yfirlýst virkni þessa bloggpósts er að sýna gamansaman vinkil á lífi skarpyrts nema sem virðist taka lífinu og öllu sem því tilheyrir með vænni slettu af gamansemi, er hann situr, sposkur eins og Móna Lísa, í stól og fitnar. Dulda virknin er að mér leiðist og ég er fastur við tölvuna tilfinningalega og hef ekkert annað að gera nema að læra. Skaðvirkni þessa er augljós, en þessi póstur er liður í heimsyfirráðum eins og allt sem ég geri og segi.

Héðan:

Русский язык!

Как весело обливать мальчиков и девочек холодной водой!
Ellegar:
Kak vésélo oblívatj maltsjíkoff í dévotsék cholodnoj vodoj!
Ellegar:
Hve gaman að vökva drengi og stúlkur með köldu vatni!

Prófkvein; I.

Heimir Pálsson gæti verið verri rithöfundur en Örnólfur Thorlacius líffræðiskríbent. Þar er mikið sagt. Slíka fullyrðingu má bera saman við það að segja að Vince Vaughn sé verri gamanleikari en Adam Sandler. Það næstum því má ekki, vonska Örnólfs/Sandlers er eitt af boðorðunum, þótt vissulega sé hitt stöðugt freistandi framsetning.

Bókmenntir, hef ég komist að í gegnum lesturinn, er fag sem er byggt á einhverju fallvaltara en brauðfótum. Hlaupfótum kannski, eða súpufótum. Þetta er bara ímyndun, að allir þessir höfundar með mismunandi hæfni, stíl og vit séu allir að þjóna einhverri stefnu með slefandi þrælsemi. Frat, frat sé þessu. Frat eocum (sit.)

O Brother, Where Art Thou?

Það er frábær mynd.