Brecht var fyndinn kall
17. júní 1953 gerðu vinnumenn í hinu nýstofnaða A-þýska Alþýðulýðveldi uppreisn gegn sínum kommúnísku valdhöfum, sem hugðu á að auka vinnukvóta þeirra án nokkurs endurgjalds, auk annarra lífsgæðaskerðinga. Sovéskir hermenn og hermenn A-Þýskalands sölluðu uppreisnarmennina niður. Brecht var frægasti rithöfundur Alþýðulýðveldisins og þótt hans fyrstu viðbrögð væru stuðningur við ríkisstjórnina þá sá hann síðar að sér og skrifaði þetta:
Die Lösung
Nach dem Aufstand des 17. JuniLieß der Sekretär des Schriftstellerverbands
In der Stalinallee Flugblätter verteilen
Auf denen zu lesen war, daß das Volk
Das Vertrauen der Regierung verscherzt habe
Und es nur durch verdoppelte Arbeit
zurückerobern könne. Wäre es da
Nicht doch einfacher, die Regierung
Löste das Volk auf und
Wählte ein anderes?
Lausnin
Eftir uppreisnina þann 17. júní
lét formaður Félags rithöfunda
dreifa dreifibréfum á Stalinallee
þar sem lesa mátti, að þjóðin
hafi glutrað niður trausti ríkisstjórnarinnar
og gæti aðeins endurheimt það
með tvíefldri vinnu. Væri það þá
ekki öllu einfaldara, að ríkisstjórnin
leysti bara þjóðina frá störfum
og kysi sér aðra?
<< Home