Afmæli

Í kring um þann ágæta viðburð sem 21 árs afmæli mitt er hefur línurit líðan og tilfinninga minna skoppað veglega um. Deyfð fyrir partíið, stress á undan partíinu, fjör í partíinu, örvænting undir lok partísins, kaldhæðnisleg fjarlægð í bænum eftir partíið, skýr hreinskilni á heimleiðinni. Og saurþynnka í dag.

Alvöru afmælið mitt er á morgun og ég vonast til að sá dagur verði í skörpu ósamræmi við líðandi stund. Annars þakka ég öllum sem mættu. Partí eru eins og börn; maður er stoltur af þeim þegar þau takast, þótt endrum og eins þurfi að skipta um bleiu fulla af hryllingi.